love for ever

Love Me
 
الرئيسيةالبوابةمكتبة الصورالتسجيلدخول

شاطر | 
 

 انواع الولاد و صفاتهم على النت

اذهب الى الأسفل 
كاتب الموضوعرسالة
سندريلا
مشرف عام
مشرف عام
avatar

عدد الرسائل : 141
العمر : 28
تاريخ التسجيل : 18/05/2008

مُساهمةموضوع: انواع الولاد و صفاتهم على النت   2008-05-30, 2:47 pm

وصف شامل لشباب النت
يلا يابنات اعرفوا انتوا بتكلموا مين
أنواع الولاد على النت

همااا كتير ..... و .
النوع الي لسه جديد على المهنه :
الي يدوبك لسه متعلم يدخل نت طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت


والنوعية الجديده دي تنقسم لقسمين :
الاول : يا اما متحمس وحط في دماغه موضوع النت وعايز يتعلم .
الثاني : يا اما سمع من صحابه عن النت والبنات وجاي يجرب حظه معاكي .
الثاني : يا اما يبقى عنده عزة نفس وميلحش بس هيتعصب وهيقولك اعمليلي بلوك .

النوع التالت الي قاعد على النت ليل نهار :
ده بقى شرحه يطول وينقسم لعدة انواع:

الاول : المقموص والزعلان :
ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شأنه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب والزعل ومن وقت
للتاني هتاخدي البلوك في وشك فنصيحه من اولها كده اديله بلوك وديليت

الثاني : ابو دم خفيف
ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك وتضحكي غصب ان عنك .


الثالت :المودي والطيب :
دي بقة شخصية بتتنوع كل يوم على حسب الموده والطيبه الي بينكم وهتحسي انك بتكلمي واحد
عنده انفصام في الشخصية النهاردة رزين وعاقل وبكرة لاسع ومفرفش وبعد يومين رخم وغلاسه الدنيا فيه وبعدها كيوت وفريندلي طبعا الحكايه مش ناقصة جنان كفايه الي الواحد فيه ومشاكل الدنيا كتير

الرابع :اللزقه والرخم :
والنوع ده عايز حزم في التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر ليه ......ولو قلتيله ثواني هيقولك ليه رايحة فين؟ متتاخريش ....إلخ ...(( ده و انتي لسه مجيتيش ..excl.gif))

الخامس :الناصح والنصوح :
صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على منتدى زينا كده هتلاقيه بيقولك ليه حطيتي التوبيك ده وليه شيلتي الصورة دي وحطيتي التانية انا انصحك انك تخليه يحصل اخواته الي فاتوا يعني بلوك وديليت

السادس :الحبيب والاخوي :
يفضل يكرر في شويه كلام زي دوول وميسكتش ....انا فيا جاذبية وكل البنات بتعجب بيا ....... ايام ما كنت في الكليه
كنت عامل ازمه والبنات بتتخانق عليا...... المصيبة بقى ان اي جمله هتقوليها هيفهم ان انتي معجبه وده طبعا مش بمزاجك ... مهو متهيألو انك هتحبيه يعني هتحبيه ....

السابع :الكذاب :
من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب .

الثامن :وده زي ما تقولي كده عبيط :
ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه ملهوش دعوى بالقرفانين منه .

التاسع :وده حبيب ماما :
ده ممكن يكون على النت من سنة 90 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور على عروسة وصباح السرحان ولو جربتي كل يوم تدخليله بايميل غير التاني هتسمعي قصة حياته كل يوم مختلفه "

ببببس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
انواع الولاد و صفاتهم على النت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
love for ever :: الأسرة العربية :: شباب روش طحن-
انتقل الى: