قبل البدء بالحديث وجب التمييز
ماذا نريد وماذا تبقى وما السبيل
وهل هى الحياه ام العقل ام هناك بديل
هل انت تعلم ام مبلم ام عبيط
كله من اكل الفول والطعميه والقرنبيط
فجل وكرات وبصل واديها
ياعم قضيها الناس لبعضيها
وانا مالى ماهى ماشيه لوحدها
وانا راكب او مركوب مش فارقه عندها
رافع شعار الصياعه ادب او مش ادب
كده كده هتتعامل بقله ادب
فاكر نفسك فاهم او مش فاهم وايه يعنى
هتاخد على قفاك..... قسم وسمعنى
انت الضحيه وعامل مش واخد بالك
بكره تتاكد لما تضيع انت وعيالك
رايح فى داهيه راكب صاروخ
وعامل نفسك بيه ومنفوخ
على ايه ياخويا بلا خيبه
اكبر بقى وفكر بعقلك شويه
سيبك من ميمى وتوتو وعليه
عامل حبيبيب وشهيد غرام وفتك
وعدوك طايح بمزاجه وباهلك فتك
الله يخرب بيت ابو السيما
علمتنا الجهل وقله القيمه
اخر الكلام اقولكم سلام
اصلهم ربطو علياالكلام
ربنا يستر ويجعل كلامنا خفيف
احسن يحطولنا السم فى رغيف
ويالا ما احنا اصلا كتير
مبقاش لينا لازمه والكبير كبير
هكذا كانت الفكره
نورت يا سيدى فوت علينا بكره
2008-06-24, 8:39 am