love for ever

Love Me
 
الرئيسيةالبوابةمكتبة الصورالتسجيلدخول

شاطر | 
 

 كل الشباب بيعملو كده واتراهن بقى مع اى حد

اذهب الى الأسفل 
كاتب الموضوعرسالة
سندريلا
مشرف عام
مشرف عام
avatar

عدد الرسائل : 141
العمر : 28
تاريخ التسجيل : 18/05/2008

مُساهمةموضوع: كل الشباب بيعملو كده واتراهن بقى مع اى حد   2008-06-24, 3:30 pm

سنة دراسية 8 شهور

طوووووول السنة بطيخ

اخر شهر بس هو اللى مذاكرة

و خش ع الامتحانات

و يوم الامتحان يهان المرء او يهان

ييجى الصيف

الأجازة

الحرية

الفراغ

النوم طول النهار و السهر طول الليل

العربدة

و العربدة تحلى مع الشلة

العواطلية
! ™BrOF™ a7MeD ™ ManSOra ™ TeaM ™
***
بررررم بررررررم
برررررررم بررررررررررم

- الوووو .. مين

- انت صحيت يا حيوان

- عايز ايه يا سى زفت ؟ بتصحينى ليه ؟

- صحى الموت ياخويا .. قوم يا عم الجثة الساعة داخلة على 4

- ايه ؟؟ 4 الفجر ؟؟

- لا طبعا العصر يا نانوس عين مامته .. هو احنا بنصحى قبل كده يا خفيف

- 4 العصر و بتصحينى يا جزمة و من غير رباط .. اقفل بدل ما اصب عليك اللعنات و سيبنى انام

- بس اسمع بس يا بوز الإخص انت .. دانا محضرلك بروجرااااام للخروج انهارضة .. انما ايه .. ميخرش المية ..

- ميخرش المية ؟ قول يا عم الطشط

- شوف يا سيدى .. اولا هنطلع على حتة كافيه فى المعادى لسه فاتح جديد
انما ايه جامد طحن فحت رزع ضرب

هو المينيمام 55 جندى ( 55 جنيه يعنى ) معلش انا عارف انه غالى شوية بس اييييييه مش هتصدق عندهم شيشة بجميع انواع الفاكهة الصيفية و الشتوية و الربيعية و الخريفية و الدقهلية وشك فى الحيط و قفاك ليا

- ايوة بس ده مبلغ و قدره .. هنجيبه منين يا سبع البرومبة

- متخاااافش عااااااااامل حسابى .. مانا هاكلم الوالا تامر الفنجرى بق ابن الغنية ده اللى خرج معانا المرة الفاتت
و نبرشط عالواد .. مش بقولك بروجورام ميخرش المية .. نياااااااهاهاهاها .. نياااااااااهاهاها

- خلاص يا عم العفريت خرمتلى ودنى بالضحكة الحمارة بتاعتك دى
طب و مين تانى هييجى

- استنى بس اكملك البروجوورام .. هنطلع م الكافيه ع الساعة 12 كده

- هنطلع طبعا مش شايفين قدامنا و الدخان طالع من وداننا

- ماتخاااااافش عااااامل حسابى .. انا بقى عارف الجو ده طالبة معاه ايه .. أحدث أفلام الوالا سعد الصغنـن " لخمة راس "

فيلم هااااااااايل هندخله حفلة ميدنايط ..

- طب و الاكل يا عم البروجراامر

- متخااااااافش والله عاااااااامل حسابى .. هنطلع من الفيلم جاعنين طبعا .. و فيه مننا اللى رجع و جاب اللى فى بطنه فى الكافيه و فيه اللى رجع فى السيما
بس احنا لسه طالعين من " لخمة راس " يبقى لاااازم ناكل لحمة راااس
هنطلع على عم عبده تلوث ندب الأكلة التماااااام
مش بقولك عامل حسابى ... نياااااااااااااااااااااااااها..

- خلاص خلاص طب و بعد ما ناكل و نرجع اللى كلناه هنعمل ايه يا فكيك ؟

- عيب يا شقيق عيب يا مان عيب يا كوتش عيب يا كوبلن .. و دى تفوتنى بردو

هنعمل الحاجة اللى لا تخلو منها اى خروجة شبابية تكون تماموووز .. هنطلع على أى موووول نتلطع قدام البوابة نعاكس فى مخاليق ربنا
و يمكن ربنا يكرمنا و نختم اليوم اللظيظ ده بخناقة

- طيب كلم باقيت الاوغاد بقى و قلهم يبقوا يجيبوا بطايقهم معاهم عشان احتمال نبات فى القسم الليلة دى

- اكلم مين يا منيل انت .. العيال مترصصة ع القهوة مستنين اما اصحيك ياللا قوم يا مدهول على عينك

- طب بقولك ايه .. عايز اسالك على حاجة من اول المكالمة

هو مين معايا ؟

- ايه الخفة دى ؟احنا هنهظر ولا ايه ؟ انا عمك و تاج راسك ياض

- عمى ايه انا ابويا مالوش اخوات ولاد ..

- انت هتقوم ولا اجيلك البيت اقرفك فى عيشتك ؟

- لا لا متجيش انت عارف ان امى مش بتطيق تسمع سيرتك

- مانا عارف , ماهو امى انا كمان مباتطقش تسمع سيرتى ..

المهم خلص بقى و انجز

سلالم

- سلاحف

و كل يوم على كده لحد ما الاجازة تخلص

و الدراسة تدخل .. و البطيخ يشتغل

و تيجى الاجازة اللى وراها و هلوما جرجر

و لا حياة لمن تنادى

رحمة الله على الشباب

طبعا مش انا اللى كتبه الموضوع بس هو عجبنى اوووى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كل الشباب بيعملو كده واتراهن بقى مع اى حد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
love for ever :: الأسرة العربية :: شباب روش طحن-
انتقل الى: